Recent Posts

Odia Essay: "Raja Parba" (Significance, Culture, etc) - Write in 250 words (PDF Download)

Jun 3, 2017 | Views
Class 1 to 10 All School eText Book, 80s-90s Old School Books, College Text Books, 250+ Janhamamu Magazine, Nijukti Khabar, Sishulekha Magazines Now Available on our new "Odia Pathagara" App.
Please Install from Playstore. Click the button to Install for Free!
Download (APP)
Odia Essay in 250 words titled "Raja Parba" for Secondary school students. In this essay you will know legend behind raja parva, the significance of Raja Parba observed in Odisha state of India. You can download PDF file of this essay provided below.
The following Odia Essay in 250 words titled "Raja Parba" for Secondary school students. In this essay you will know legend behind raja parva, the significance of Raja Parba. You can download PDF file of this essay provided below.


ଉପକ୍ରମ :
ଧର୍ମପ୍ରଧାନ ଉତ୍କଳରେ ବାରମାସରେ ତେରପର୍ବ ପାଳିତ ହୁଏ । ସାମାଜିକ ଜୀବନକୁ ସରସ ସୁନ୍ଦର କରିବାପାଇଁ ସାଧାରଣତଃ ପର୍ବଗୁଡ଼ିକର ସୃଷ୍ଟି । ଏହା ବ୍ୟତୀତ କେତେକ ପର୍ବ କୃଷିଭିଭିକ । ଅନ୍ୟ କେତେକ ପର୍ବ ଧର୍ମ ଉପରେ ପ୍ରତିଷ୍ଠିତ ହୋଇଥାଏ । ରଜପର୍ବ ହିନ୍ଦୁମାନଙ୍କର ଏକ ବିଶିଷ୍ଟ ପର୍ବ । ଏହା ତିନିଦିନ ଧରି ଓଡ଼ିଶାର ପୁରପଲ୍ଲୀରେ ପାଳିତ ହୁଏ । ପ୍ରଥମ ଦିନକୁ ପହିଲି ରଜ କୁହାଯାଏ । ସେଦିନ ଝିଅ ବୋହୁମାନେ ନୂତନ ବସ୍ତ୍ର, ଶଙ୍ଖା ପରିଧାନ କରି ପିଠାପଣା ଖାଇ ଆନନ୍ଦ ଅନୁଭବ କରନ୍ତି ।

ପିଠାପଣା :
ରଜକୁ ଘରେ ଘରେ ପିଠାପଣା ହୁଏ । ସାଧାରଣତଃ ପୁରପଲ୍ଲୀରେ ପୋଡ଼ପିଠା ହୁଏ । ଏହା ବ୍ୟତୀତ ଏଣ୍ଡୁରି, କାକରା, ମଣ୍ଡା ପ୍ରଭୃତି ପିଠାପଣା ମଧ୍ୟ କରାଯାଏ । ତିନିଦିନ କେବଳ ପିଠାପଣା ଖିଆଯାଏ । ଦିବାବସାନ ପୂର୍ବରୁ ଲୋକମାନେ ପିଠାପଣା ଖାଇଦିଅନ୍ତି । ସବୁଠାରୁ ରଜପର୍ବର ପୋଡ଼ପିଠା ବେଶ୍ ରୁଚିପୂର୍ଣ୍ଣ ହୋଇଥାଏ । ଜଗନ୍ନାଥଙ୍କ ମନ୍ଦିରରେ ଏଇ ପୋଡ଼ପିଠା ହେବାର ପରମ୍ପରା ଅଛି ।

ନାରୀମାନଙ୍କର ଚଳଣି:
ଉତ୍କଳୀୟ ନାରୀର ରଜ ଏକ ବିଶିଷ୍ଟ ପର୍ବ । ସେମାନେ ରଜରେ ଭୂମିକୁ ସ୍ପର୍ଶ ନ କରିବାପାଇଁ ଦାଣ୍ଡରେ ଗୁଆ ଖୋଳପା ଓ କଦଳୀ ପଟୁକାରେ ଜୋତା ତିଆରି କରି ବ୍ୟବହାର କରନ୍ତି । କିନ୍ତୁ ଆଜିକାଲି ଅନେକ ଶିକ୍ଷିତା ଝିଅ ବୋହୁମାନେ ପାଦରେ ଚମଡ଼ା ଜୋତା ବା ଚପଲ ବ୍ୟବହାର କଲେଣି । ସ୍ତ୍ରୀମାନେ ତିନିଦିନଯାକ ମସିଣା ଉପରେ ବସାଉଠା କରନ୍ତି । ଖାଇବା ପିଇବା ମଧ ମସିଣା ଉପରେ କରନ୍ତି ।

ସାଂସ୍କୃତିକ କାର୍ଯ୍ୟକ୍ରମ :
ରଜ ପର୍ବ ଆବାଳବୃଦ୍ଧବନିତାଙ୍କ ଓଠରେ ହସ ଭରିଦିଏ । ଗାଁ ଗହଳିର ଲୋକମାନେ ପାଲା, ଦାସକାଠିଆ, ସଙ୍ଗୀତ ଓ ଥିଏଟର ପ୍ରଭୃତି ସାଂସ୍କୃତିକ କାର୍ଯ୍ୟକ୍ରମ କରି ବେଶ୍ ଆନନ୍ଦରେ ସମୟ କଟାନ୍ତି । କେଉଁଠି କେଉଁଠି ବିଭିନ୍ନ ପ୍ରକାରର ଖେଳକସରତ ଇତ୍ୟାଦି ହୁଏ ।


ଦିନ ରଜ :
ରଜ ସଂକ୍ରାନ୍ତି ପରଦିନକୁ ଭୂମିଦାହ ବା ଭୂମି ଦହନ କୁହାଯାଏ । ସେଦିନ ଭୂମିକର୍ଷଣ କରାଯାଏ ନାହିଁ । ଚତୁର୍ଥ ଦିନ ବସୁମତୀ ସ୍ନାନ । ସ୍ଥାନ ବିଶେଷରେ ଏହି ଦିନଟିକୁ ‘ଠାକୁରାଣୀ ବୁଡ଼’ ବୋଲି କହନ୍ତି । ରଜସଂକ୍ରାନ୍ତି ଦିନ ସକାଳୁ ଘରର ଚାରିପାଖେ ଗୋବର ବା ଖଡ଼ିଗାର ଦିଆଯାଏ । ଗୋବରରେ ନାଇଟ୍ରିକ୍ ଏସିଡ଼୍ ଥାଏ । ତେଣୁ ଗୋବର ପାଖକୁ ସାପ ଆସେ ନାହିଁ । ବର୍ଷାଋତୁରେ ସାପ ଗାତରେ ପାଣି ପଶିବାରୁ ସାପମାନେ ଗାତରୁ ଆସି ଘର ଭିତରେ ପଶନ୍ତି । ଏଥିପାଇଁ ଗୋବର ଲିପା ବିଧି ସମାଜରେ ବହୁକାଳରୁ ପ୍ରଚଳିତ ହୋଇଆସୁଛି ।

ରଜଦୋଳି :
ରଜଦୋଳି ରଜପର୍ବରେ ଆଉ ଏକ ବିଶେଷ ଆକର୍ଷଣ । ଝିଅମାନେ ଦୋଳି ଖେଳିବାକୁ ସତେ ଯେପରି ରଜପର୍ବକୁ ଅପେକ୍ଷା କରିଥାଆନ୍ତି । ରଜ ଦୋଳି ଗଛ ଡାଳରେ ବାନ୍ଧି ମନ ଆନନ୍ଦରେ ଦୋଳି ଗୀତ ଗାଇ ଖେଳନ୍ତି । ସେମାନଙ୍କ କଣ୍ଠରୁ ଭାସିଆସେ..
"ଦୋଳି ହୁଏ ମଟମଟ
ମୋ ଭାଇ ମୁଣ୍ଡରେ ସୁନା ମୁକୁଟ ଲୋ
ଦିଶୁଥାଏ ଝଟଝଟ"

ଉପସଂହାର :
ରଜପର୍ବ ଓଡ଼ିଶାର ଏକ ଜାତୀୟ ପର୍ବ । ଜାତି, ଧର୍ମ, ବର୍ଣ୍ଣ ନିର୍ବିଶେଷରେ ସମସ୍ତେ ଏହି ପର୍ବ ପାଳନ କରନ୍ତି । ତିନିଦିନ ଧରି ଏହା ପୁରପଲ୍ଲୀରେ ବେଶ୍ ଜାକଜମକରେ ପାଳିତ ହୁଏ ।

Download PDF

No comments:

Post a Comment